سؤال للشباب والصبايا

أبو السّيم حبيبي السّؤال الأول ما إلك
إنتا قصدك السّؤال الثاني
هههههههههه
على كل حال بالنسبه للسؤال الأول ما إلي
السّؤال التانيي أبو حميد جوابو إني بفضّل يكون عندا الحب بشكل ما حدا معتاد عليه
والتالت جوابو إنو إذا بدّي إرتبط((بعيد الشر)) رح إرتبط بالبنت اللي حبيتا بالسؤال التاني

هاي أنا أكيد لا هاد ولا ذاك
أنا بدي ياه طبعا غني مااحلاني وتجوزة فقير لأنو اذا فات الفقر من الباب هرب الحب من الشباك

وعالطريقة التقليدية أحسن لأنو الحب مو دايما بيستمر

ميرسي أحمد بس أنت ما جاوبت كمان

انا جوابي اني بحب الوحدة تكون عاطفية وحبها لالي كتير كبير بغض النظر عن الجمال لانها بالنهاية خلقة رب العالمين لاني الحب برأيي بينتصر على الجمال
مع حبي احمد

هاد هوي القصد من كلمه ((الحب)) يا أبو حميد

بس بدّي إلا شغله لفيتون.....
إنو المصاري بتروح وبتجي وما بتعرف إيمتا بتجي ساعتا
بس القلب عمرو ما بيختفي((خالد)) حتى بعد الموت

لك لا تقلي ولا قلك جربنا القلب قام موتوه دغري مشان هيك خليني اتجوز عطريقة أمي وأبي أريحلي يستر على عرضك

بعدين ما رح اتحملو لحبيبي لما يتجوزني ويقلي الكلمة المشهورة(أنا ما بثق فيكي لأنو متل ما حبيتيني رح تحبي غيري)

وصح الشباب مو كلون متل بعضون بس أغلبون هيك

هو انت معك حق فتون بس متل ما عم تقولي ما طلن كتل بعض بس الحياة بلا حب برايي ولا شي

عم تحكي درر يا أبو السّيم
والله أنا متلو
بعتقد إنو القلب والعقل ما لازم ينفصلو عن بعض

ايه بس 90 % من اللي بيحبو ما بيتجوز للأسف

يعني البنت لما تحب شب رح يحبها وكتير كمان

بس لما تقول كلمة زواج بيهرب بأقرب تاكسي هههه

ما بعرف يا فتون كل مين الو طريقة بالتفكيررررررررررررررررررر

طيب خلينا ما نبلش من بعيد كتير يا فتون
خديها مني
أنا متل أي شب يعني بحب إنو حب أو عيش قصّه حب حلوه
والبنات هيك كمان
بس أنا بإلّك يا فتون
كل اللي بعرفن بحياتي((وهني مو قلال))هيك طريقه تفكيرن ((كمبدأ))إي
وهال 90%اللي عم تحكي عنن
هني بس 10 أو 15%إي
؟؟؟؟؟؟؟؟؟؟؟؟؟؟؟
وبعدين عحكيك
فينا نقول نحنا الشّباب نفس الحكي
إنو الواحد يتزوّج وحده غنيّه تصرف عليه وهيك بيفكّر حالو مبسوط
بس بالعكس هوي رح يكون بقمّه الألم
وانشالله ما بتحسي بهالشّعور يا فتون
لأنو لما رح تحسي فيه كوني متأكده إنك ما رح تتخلصي منو أبدا
وبصراح هالحكي جرّبوه كتير أبلك وحكو عنو
متل جبران خليل جبران
حكا عن هالقصّه بكتابو((الأرواح المتمرّد))ما بعرف إذا قريانتيه
بس جبران مشهور
فبنصحك تقري هالرّوايه تتغيري نظرتك بهالموضوع
لأنو بيوصف هالشّعور بشكل مؤثر كتير وهوي مجرّد وصف
وانشالله يا فتون بتغيري نظرتك عنا ((حنا الشّباب))؟.؟
هههههههههههههههههههه

بس يا علي انا ما عم أحكي عالمصاري والغنى والفقر أنا هاد أخر شي بفكر فيه


وحتى لو تجوزت واحد فقير يعني شو المشكلة اذا ساعدتو وأكيد ما رح حسسو بشي أبدا


أنا حابة كتير نتناقش بهالقصص ونوصل لفكرة معينة وفهمكون أنو شو ماصار بهالدنيا رح تضل البنت مظلومة بهالامور

اخوي مصطفى اي من زمان ورجينا ردودك الحلوة
مشكور حبيب البي ومشكورين جميعا على الردود والمناقشات
ومستمرين بالنقاش علي و فتون لنشوف مين رح يقنع الاخر
مع حبي احمد

ايه أنا مستعدة العي من هون لبكرا لحتى تقتنعو أنو نحنا المظلومين
ان كان بالمجال العاطفي أو الاجتماعي او بكلو

فتون أنا اسف إذا اتأخلات بالرّد
فتون بدّي اياكي تتخيلي حالك بعالم ما فيه شي إسمو قلب أو حب
تخيلي معي أوّل شغله::الحيا حتصير بالأبيض والأسود
لا والله ليش
حتى ما حيكون إلا لون حتى الأسود
رح تكون الحياة يا فتون خليط من عدم المشاعر
رح يعين كل شب عالبنت كأنو عم يعيّن عرفيقو
كأنو عم يعيّن علي أطّه ماشيه بالشّارع وما عم يعرف إذا حلوه واللا لا
ومن جهة تانيه
كل بنت ما حتشوف إدّاما إلّا كتل من اللا إنسانيّه ماشيه إدّاما
وبختصر العباره
الأرض رح تدبل وتموت
رح تصير الأرض مسكن للأرواح الميته والأشباح
لهيك الله عطانا القلب لحتى يميزنا عن باقي المخلوقات
وألنا عطيتكن أسمى شي بهالعالم
اعرفو استخدموه
والحمدالله نادرين كتير اللي عرفو استخدمو قلبن بشكل صحيح
بس يا فتّون القلب موجود ما بيموت شو ما عملو البشر
وهاد الأمل الله عم يخلينا نعربط بهالحياة رغم كل شي عم يصير
باختصار بلا حب وغرام ما ممكن حدا يدوق طعم الحياه الحلو

مشان إنو إنتو البنات مظلومين
هاي الفكره ما بعرف ليش تخيلتيها
ممكن إذا كنت بنت أنا حس بهالشّعور
بس أنا وشب
بحس إنو البنات هني جنه حياتنا
وما في شب بهالدّنيه بيعارضني بهالإصّه
لهيك فرحي يا فتون
إنتي حلم وأمل وحياه وغرام وجنه وعشق
لشب من هالدّنيه
عايش لأنك موجوده
لهيك بعتقد إنو البنات أكتر شي بهالحياه منصوفين

صح حكيك أبو السّيم وأنا مهك ميّه بالميّه
وأنا أكتر واحد بيحترم رأي فتون بهالموضوع
لهيك أنا حابب ناقشا بهالإصّه
يعني بلكي ممكن تغيّر نظرتا عن الرجال
هههههههههه

والله هل الموضوع عامل ثورة بالاكادمية
ماكنت متوقع ينجح هيك على كل حال لولا انتو ما كان نجح
واخص بالذكر فتون وعلي مستمرين انشالله لنشوف اخرتهامعكم
مع حبي احمد

أول الشي بدي قول عن جد ميرسي على هالنقاش المحترم لأنو قلال اللي بيناقشو بحترام وأولون علي شكرا الك

وتانيا أنا عم قول أنو المرأة رح بتكون مظلومة اكتر من الشب من جهة نتائج علاقتها مع هالشب مو من جهة علاقتها بالحب أو أثنائها

كمان لا تنسو من جهة تانية أنو صعب البنت تنسى النتائج السلبية لعلاقتها بحكم انو نحنا ببلد شرقي وأغلبنا من المسلمين

يعني كل واحد فيكون فينو يقلي اذا أختو حبيت وتركها الحبيب شو ممكن يعمل من جهة أنو أختو حبيت أو من جهة اذا كان في نتائج سلبية من ورا هالحب

معك حق اختي فتون بكل كلمة التيها لاني نحنا شعبناكتير متعصب لناحية البنت
يعني على سبيل المثال الشب فينو يطلع ويحوص كتير اما البنت اذا راحت على السوبر ماركت لتشتري بيقولو ييييييييييي ليكو كيف عم تطلع وتدخل اكيد هي عشقانة وهيدا الشي الو سلبيات وايجابيات
يعني انا بحب البنت يتشدد عليها بس بحدود المعقول لاني اذا تشدد كتير على البنات انا برأيي
بيولد انحراف عند البنت
والله يعين كل واحد على بلواه
مع حبي احمد
مشكورين على ارائكم الجميلة

شوفو شباب
بالنّسبه لهالموضوع
أنا عندي إخت بقمّه سن المراهقه
وكلشي بعملو إني بعرف وين عم تروح بس
يعني حتى هيي ما بتحس إني عرفان
بس لما بتغلط بجي لعندا وبإلا شو عملت غلط وشو الصّح
وبعتقد هاد الصّح والطّريقه اللي لازم يتعامل فيها كل شب مع إختو
يعني الحب أوّلا وأخيرا مانو عيب ولا حرام
بس بحدود بالنّسبه للشب والبنت
يعني الحدود بتنحط للشب أبل البنت
هلأ عقاب البنت الإجتماعي بهيك حالات بيكون بسرعه
بس كمان الشّب ما بينفد
يعني أي شب رح يصاحب بنات كتير
بالأخير رح يطلع عليه صيت
وما رح يستقر بحياتو
يعني عقابو عالمدى البعيد
وهيك ممكن نقول إنو الشب صحيح ما بيتعاقب فورا متل البنت
وهاد الفرق الوحيد بين الجنسين
بس النتيجه نفسا
وهون الفكره إنو لا الشباب ولا البنات مظلومين
وبالنهايه
أي بنت ممكن تحافظ علي حالا من الشّباب
وأي شب ممكن إنو كمان يمنع عن حالو صيت إنو((نسونجي))ا

والله يا علي الشب بينحكى عنو يوم يومين اسبوع وبعدين الكل بينسى
بس البنت لحتى تموووت وحتى بعد ما تموت بيضلو يحكو عليها

ومتل ما قال احمد انو البنت ازا راحت عالسوبر مااركت كل لعيون عليا
ولسانات الناس بتصير كل واحد طول لسانو متر حتى لو ما كانت عتعمل شييي غلط

لك على كتر ما العرب متخلفين تجاه البنت صارت ازا عما شب وعمرو قريب من عمرا
وقعدت هيي وياه ومزحو وما بعرف شو بيحكو عليها كيف ازا حبت واااحد

يعني بأختصار انو البنت مظلوووووووووووووووووووومه كتييير كتيير عند العرب

وانا رأيي من رأي علي انو ما لازم نضغط عأخواتنا بس ننتبه لتصرفاتن من دون ما يعرفو
وازا غلطو نجي ونقلن
لاني انا هلأ متبعا هالطريقه مع اختي لانو كمان اساها بأول المراهقه وعمرا لساتو 12 سنه
يعني في احتمال كبير انو تغلط

يعني تقبرو قلبي يا أنجل وعلي عم تعاملو أخواتكون المراهقين على أساس انو مراهقين بس عفوا اذا أنتو مراهقين كيف بدكون تعرفو لسا الصح من الغلط

أنا صار عمري 20 سنة ولهلق واله العظيم ما بعرف الصح من الغلط يمكن لأني بنت يمكن لأنو اهلي محافظين ما بعرف

بس كلام احمد عجبني مظبوط مشان الطلعة والفوتة

وكلام علي كمان مظبوط انو البنت والشب بيتحاسبو بس كل واحد بطريقة مختلفة

وميرسي كتير على نقاشكون المحترم

بس أنا يا علي بدي قلك شغلة هلق مثلا أنت شب عمرك 17 وعندك اخت اكبر منك وشفتها غلطت
شو رح تعمل
وبالتالي بدي تقلي اذا أنت غلطت وأختك شافتك شو رح تعمل لما تجي تقلك أنو أنت غلطت

اكيد رح ترد عليها أنك أنت شب وما بيعيبك شي
اما لما تجي تقلها لختك حتى لو كانت أكبر منك انتي غلطتي ما رح تسترجي تفتح تمها مشان ما تفسد عليها

وهون بدي أصل لفكرة اللي بكرها موووت
أنو قد ما كان الشب صغير وقد ماكان غلطو كبير بيضل هو المسيطر واللي عادي شو ما عمل

ميرسي وانشالله ما حدا يتدايق مني

يا شباب إنتو ليش أخدين الدّنيه هيك
مو ملاحظين إنو هلأ مو متل أبل
يعني أنا سامن بمشروع الزّراع
وإيمتا ما انزلت عالشّارع إبل السّاعه وحده بالليل
بلاقي الشّارع معبا شباب وصبايا
تركونا من مشروع الزّراعه
كل يوم تقريبا أنا بنزل عالكورنيش أو على شي كافتريا
وبلاقي كل شب وبنت قاعدين مع بعضن ما في أحلى منن
يعني اعدين وما حدا عاطي إهتمام للموضوع أبدا
يعني شكل طبيعي إنو أي شب يحب بنت وأي بنت تحب شب
بس بيضل الحكي ضمن الأصول والعادات

أنا يا شباب كل نقاشي كان من الأوّل مشان تلت شغلات

أوّل شي مشان إنو ((إذا فات الفقر من الباب هرب الحب من الشّباك))ه
وهي توصّلتلا لحل فتون إنو شو المشكله إذا حبت واحد فقير وحنون وساعدتو بحياتو

تاني شي مشان إنو البنت مظلومه عالصّعيد العاطفي
وهاي كمان توصلتلا الست فتون لحل
إنو البنت ما بتكون مظلومه أثناء علا قتها بالحب أو خلالا
بس من ناحيه النتائج السّلبيّه لهالعلاق
وهالحكي إلو تفسيرين::إنو تكون هالنتائج السّلبيّه بيرفضا المجتمع
((ونحنا إلنا إنا العلاقه ضمن الأصول والأدب))
يعني انحلّت
والتفسير التاني إنو تكون علاقه حب صادقه بعيده عن محرّمات الدّين الدّين
هيك فاتت الست فتّون عالصّعيد الإجتماعي
يعني انحلّت عالصّعيد عالعاطفي

هلأ عالصّعيد الإجتماعي
هلأ حكيت إنو أي شب أو أي بنت إلا الحق الكامل والمطلق إنو تحب أو تنحب
ومافي قوّه بالعالم تمنع الإنسان عن أقدس حق من حقوقو
الحب
والمجتمع من أصغر واحد لأكبر واحد ما رح يكون معارض لأي شي إذا ما شافو شي غلط
يعني ممكن ينحكى إذا كانو ماسكي إيدين بعض مثلا أو عاملين أي شغله ممكن تلفت النّظر للشب والبنت
وهاد كان ردي عالصّعيد الإجتماعي

يا شباب هاللي كتبتو فوق كلو كان تذكير باللي طلع نتيجه هالنّقاش
وممكن تقروا الردود من الأول
لحتى يطلع معكن إنو كل شي كنا عم نحكيه كان بطريقه غير مرتّبه
وأنا بس حبّيت رتبو هيك مشان ما حدا يدوخ أو يمل منا ((أنا وفتون))يعني
هههههههههه
مابعرف
شو رأيكن إنتو بالقصّه
.؟؟؟؟؟؟؟؟؟؟؟؟؟؟

يييي تسلملي شو رايق وخلص رح نفك هالنقاش بلا ما حدا يمل مننا عن جد والخلاصة تبعك عجبتني

بس ما بدي ياك تنسى شغلة مهمة قد ما كانت معارضة الاهل والمجتمع والتقاليد البالية لحب بين تنين مارح يروح هالحب بس رح يضيع

وميرسي كتير نقاشكون أحلى نقاش بكل المنتديات لأنو بيدل على وعي كامل برغم من انكون صغار وخصوصي علوش ميرسي الك يا حلو لأنك ناقشت باحترام
وهيك الدنيا اخد وعطا

وميرسي

هههههههه
تسلمولي انتو التنين

بالسبة اللي انا ميال لكلام فتون اكتر
وبكرى بس شوفك يا علي بقلبلك ما مشكلىة
خخخخخخ

اييييييييييه شوهاد نيالي المعلم صافف ناحي واااااااو

بدي الورتة ههههههههه

ههههههههه لك عم أمزح والله

الله يخليك لأهلك ويطول بعمرك لتفيد وتستفيد يارب

وما بدي شي أنا غير الورتة بس مو اكتر ههههههههههه

تسلمي يا فتّون
والله النّقاش نوّر بوجودك

ليكي
لا تسكتي عن الورته
هاد وسيم ما رح يفيد حدا والله
ههههههههه

ليكي بكرا بيقسّم الورته وبينساكي
فبقى ضلّي نقي فوق راسو
لحتا يعطيكي حصتك
بس خلي هالحكي بيني وبينك إي

اي خلص بينك وبينا
ههههههههههههههههههه
:&*):

ايه خلص أهم شي ما يتسرب الخبر لوسيم ها

أنا أسفة استاذ بس والله هاد أحمد وعلي هنن اللي عم يحكو معي أنا طالبتك العاقلة ها