الحب كلله
|  موضوع: تعلم اللاذقانية بخمسة ايام بدون معلم  06/09/07, 04:46 am | |
|
تعلّم اللادقانيه بدون معلّم
بخمسة ايام
اليكم بعض المصطلحات ....
كرويشا يعني كنباية
لك أخوي يعني خييي
................
أماا بين الأصدقاء
كيفك يا أبن الـ...........وهيدي مرحبا
أهلين يا أبن الـ............ هيدي أهلين
نفاضا يعني منفضة أو مابعرف شو بالحموي
وكمان كيفك ولا وكيفك ولي هيدي المرحبا كمان
عيين بمعني طلع
عرياحتك يعني بميكرو أو تكسي على اليمين أو عندك وقف
كامبيوتار أو كنيبيوتر بمعنى كموبيوتر
_ رح أحكي شوي لاذقاني
كيفك لك أخوي انشاء الله منيييييي (مع مطة الكلمة وحذف أخر حرف )
أهلين يا أخوي عروصي حورتاااااا(يعني على راسي حارتك )
بقلو لك شفت لمحماااااااا(يعني شفتو لمحمد )
بقلو لا وحيوت أمي وأمااااااا مو شفتو (يعني وحيات أمي وأمك ما شفتو )
يعني مو شفتو أبدا أبدا لعما بـ..........وينو هودا
يعني والله مو بعرييييييييي(ما بعرف مع مطة أخر حرف ما تنسو )
بقلو لكن بدك شيييييييي
سلومتك خليك انضيفك أهوة شوي يعني هيك شيييييي
بقلو لك صحا وميت هنا أخوي والله على عيني وروسي
بدك شيييي سلوووووووووم
وهيدي بعد الألفاظ الاذقانية
أماا من صفات الشب الاذقاني
_ بيستعمل كلمة يعني كتير ويمكن أنتو ملاحظين علييي يعني ههههههه
_ و شغلة أنو البو طيب كتيييييييير
هلأ رح ينطرح كتب قواعد باللغة الاذقانية
1 مطة أخر حرففففففف
2 حذف أخر حرف من الكلمة ما عدا الألف مثل كيفك تلفظ كيفاااااا
3 الالف تلفظ واو بأغلب الكلام مثل هااااااااي هوووووووي
وبعتقد هيي بعض القواعد اللاذقانية
اللغة اللادقانية من أحلى اللغات اللي ممكن يسمعا الواحد ، و مشان تفهمو كيف طريقة اللفظ رح أشرح القواعد بطريقة مبسّطة كتير ، بعدين رح نبلّش بالكلمات المنتقاة من معجم أبو صطيف خبّيني الشهير و رح شكّل كل كلمة مشان تنعر كيف عم تنلفظ
قواعد اللغة اللادقانية:
1. في اللهجة اللاذقانية يحذف دائما اخر حرف في الجملة او الكلمة اذا كانت مفردة
2. في اللهجة اللاذقانية تمد الكلمة دائما ثلاث حركات مد لازم
3. في اللهجة الللاذقانية تشدد دائما الكلمات في اوسطها
4. في اللهجة اللاذقانية الافعال الضعيفة تضاف اليها كما ( نهنه ) في مؤخرتها مثل ( اخدوهنه ) ( اتلوهنه ) ( دبحوهنه ) ( ابوهنه ) مع كسر الهاء
5. كافّة الكلمات التي تحوي حرف الألف تقلب إلى واو عريضة
الكلمات :
اهم كلمة في اللهجة اللاذقانية هي كلمة عيّن ، حتى انو اللادقاني بينعرف من
هالكلمة ،
عيِّن = انظر
زتـّا = ارميها
اشْلفا = ارميها
ازِرْكو = احْشكو = حاصرو
خـَيسو = اضربو بالسكين
لمّط = لم = شيل
قـبّوع = كيس و تقال أحياناً للشخص الغبي بغيابو
أبتول = غبي
كريم (تلفظ الكاف متل الجيم المصرية)= كريم اللي يستعمل للدهن متل كريم الوش
تتشيّع = هادا الفعل حالة خاصّة جداّ ، لأنو يستعمل بدل أي فعل ، طبعاً و تشتقّ عنو الشايعة و الشايع ولكن طبيعة هالفعل بتنقال في حالة الإشمئزاز من شي أو الالإنزعاج من شيء معيّن
مسكليتة = بسكليتة = الدراجة
ريحة = بارفان
جاكيّة = جاكيت
باكيّة = باكيت
خفّافة = بوط رياضة
عليا طول = على طول ولكن نادراً ما تسمع هالكلمة
السيبا = السلـّم
العمىىىىى = تقال في حالة الصدمة و غالباً من شي ما كويّس
كتّ = عبّي
إبّا = ارفعها
جلموء = مصلحجي
حمزة = يلي يحشر حالو بكل شي
معلاء = بيتدخل بكل شي
اسْكمْبري = نوع من السمك = حجش
اشْكمو= اخذلوا
بالورب = بالمايل
عواءبك = شرف العيلة
آآآ ( مد لازم 12 حركة مع فتح الفاه ) = للتعجب و الإستفهام
اعْركا = حكّا
شْـفاتير = شفايف
كلاكيش = غراض
مأنتن = وسخ
صفدعة = ضفدعة
ملنـّص = واصل عل قمة ( توب(
ضبع = طنط
إيّاعااا = إيّا عزّةةة = شَحّاري= شحميطي = للتعجب الكتير
مكن = قوي
عكّيد = أبضاي
سأرأ = علبة معدنية
دَرْبَكو = دَعْتـَرو = اوقعه ارضا
زنزوءة = مرجوحة
شئليبة = قلّيبة
مْأنشِح = وسخ
ألشين = جرابات
ألْشِت = زحطت
أشأ = الطريق الغير معبد = خرج عن الطريق
طـَرْوَشو = صرعو
زْلاعيم = لوزات
خروء = ضعيف
اكْعَرو = اصْغـَرو = اطردو
زَمَأ = مر
بَحَت =مات
طـَشّة = أهبل
إيش ياه = شو ياه
مَكـَـنة (الكاف هون متل حرف الجيم بالمصري) = موتور
مشْنِص = نوع من الموتورات في عام ال 20
مشنص ( مصطلح ) = حظو حلو
دشّـو = تركو
أهتر = أهبل
جيعان = جوعان
هبّور = شرشوح
معتـّر = مسكين = ضريب سكاكين
تليانة = مليانة
صحفة = نفاضة سواكير
بتـّو = بنتو
أخوّي = أخي
زاوة = زاوية
هردبشت = هبور
يا بو = للمناداة
لألوء = الذي يتنقل من مكان الى آخر و يلي بيلزق عليك
عليّ ما عليّ (مع تسكين الياء) = للحلفان
مَـش = دليل على اللاشيء
إتـّة = انت
فـَهْنه = يوجد
آي = نعم
بردلي = أنا بردان
بربيش = خرطوم أو مربيش
فا = يوجد
إسّا = لسّا
يحمّك = دعوة بالشر و الحمة
فلوكا = مركب الصيد المتوسط الطول
لنش = مركب الصيد الطويل و الكبير
بَبّور = سفينة
رَيسي = معلمي
ما عن طـَيبي = ما عن قصدي
يلعن سلسفيلك = يلعن اجدادك
لزّ = زيح = بعّد
خمخوم = الذي يحشر انفه في كل مكان
شو دحشك = شو دخلك
أتـّورة = نـَتـّوسه = أتـّوسه = شوي صغيرة
فط = نط
خربر = مثقب وهو أداة كهربائية للنجّاريين و الكهربجيّة
حربوْء = ذكي
كـَحَشو = طردو
دَرمِل = احليء = انقلع
فوِّج = انقلع
ليش عم تزاور = ليش عم تتطلع
مسأسئ = مليانة مي أو متشتش
شنتيانة = سيف طويل طري جدا للعلئة = مشكلة
حبْكت = كمْشت = لـَنـْصِت = وصلت للذروة
يو عين = يا عين
بلعِط = لوص = تحرك بسرعة أو احتار لحالك وهي مشتقة من بلعوط و هو ابن الضفدع
قرقوعة = مهرهرة
سيبو = تركو
كل يوم تعا = يا ميت اهلا و سهلا بس لا بآ تعيدا
شكارة = شكيلة ، وهي كلمة سيئة للفتاة الرخيصة جداً
ولا خَي = يا أخي تقال تحبّباً أو إذا كنت آخد وش عالشخص اللي عم تحكي معو
طرْوَشو = طـَوَشو = خـَيَـلو = جنـّنو
صرْضْعو = مشتقة من الصرضعون وهو السلطعون ، الحيوان البحري الذي يمشي على جنب و معناها = جننو
طيك العوفة = يعطيك العافية
لأ ولو (مع التشديد على الهمزة في الـ لأ) = للإندهاش الشديد
بسّة = قطة
مريّة = مراية
طبعاً لسّا في كتير كلمات ،
طيكُن العوفة شباوب
وشكرا كتير كتير | |
|
мя.WesoOo
| | موضوع: رد: تعلم اللاذقانية بخمسة ايام بدون معلم 06/09/07, 11:25 pm | |
| [size=18] الله حيو اللاذقية يا خي مشكور اخوي الحب كله عالموضوع الغني بصطلحات بلدي اللي هي اللادئبة الله حياك مشكككككككككككككككككككككككككككور /size] | |
|
